Mangunguma nga gintudlo naglabo sa iya duha ka abyan sa San Joaquin, arestado!

San Joaquin, Iloilo–Nadakpan ang mangunguma nga gintudlo nga naglabo sa iya duha ka abyan sa Barangay Bonga kagab-i.

Ginkilala ang arestado kay Jose Gavilanggoso. Suno kay PSI Wilmar Bolivar, hepe sang San Joaquin Police Station, naga-inom ang mga biktima nga sanday John Paul Secugal, 32-anyos, kag Benito Anceno, 31-anyos, sang ginhapitan sang suspek. Nagsunluganay tuhoy sa utang ang mga biktima kag suspek tubtob nga nagbaisay kag ginpanglabu ni Gavilanggoso sanday Secugal kag Anceno.

Pareho nga gindala sa ospital ang mga biktima nga may mga pilas sa kamot. (AGB)