Mas mataas nga Balayran sa Elektrisidad, Natalana Ipatuman sang PECO

Iloilo City — Nagapamintana ang mas mataas nga balayran sa elektrisidad sa mga konsumedor sang panay electric company ukon PECO.

Mangin balasehan sini suno kay Engr. Randy Pastolero, vice president for operations sang PECO, ang desisyon sang korte suprema sang Agosto 5, 2015 sa kaso sang Lucena City batuk sa MERALCO nga naga-rule nga indi exempted ang mga transformers, wires, insulators kag kontador nga patungan sang buhis.

Suno kay Pastolero, wala man sila ginasukot sang city government sang increase sa real property tax sang wala pa naguwa ang ruling sang SC.

Ginabanta nga may masobra 10 ka libo ang poste sang PECO sa syudad.

Sa pagbanta ni Pastolero, magadalagan sa minilyon ka pesos ang isukot sa ila sang syudad sa dugang nga RPT kon ipatuman na ang desisyon sang SC.

Posible nga ipatong sang PECO ang dugang nga balayran sa 2019. (JoMaque)

Archives, Gallery, News, SlideshowGallery

Related posts

Leave a Comment