Masobra 23 ka oras nga standoff sa El Haciendero Private Hotel sa Jaro, natapos na matapos nagdesisyon ang SWAT Team nga sudlon si PO2 Gary Catedral!

Masobra 23 ka oras nga standoff sa El Haciendero Private Hotel sa Jaro, natapos na matapos nagdesisyon ang SWAT Team nga sudlon si PO2 Gary Catedral!
12369255_1515607208733558_6143650310214485265_n
(Photo by Aksyon Kikik Enar)

Iloilo City — Natapos na ang standoff sa El Haciendero Private Hotel sa M. Jaime Street Jaro makaligad ang masobra 23 ka oras nga pagpakuribong ni PO2 Gary Catedral.

Ginsalakay sang Special Weapons and Tactics (SWAT) Team sang Iloilo City Police Office (ICPO) kag Iloilo Police Provincial Office (IPPO) ang Room 12 sa 2nd Floor sang hotel nga ginatineran sang pusil.

Suno kay Supt. Kim Legada, hepe sang Iloilo City Public Safety Company, ginmandu niya ang indi pagpatyon si Catedral kag i-neutralize lang agud nga mauntat na ang ginahimo sini nga perwisyo sa hotel kag sa mga pumuluyo.

Nabuy-an ni Catedral ang 9mm pistol matapos gintiro sa tuo nga abaga sang mga miembro sang SWAT.

Ginkarga gilayon sa ambulansya ang pulis kag gindala sa West Visayas State University Medical Center.

10488085_1515607218733557_1133853653567676238_n
(Photo by Aksyon Kikik Enar)

Ginpahayag ni Legada nga arestado ang status ni Catedral kag ipaidalum sa psychiatric evaluation kag drug test agud mahibaluan ang matuod sini nga problema.

Gin-pullout sang management sang El Haciendero Private Hotel ang ila mga guest kahapon sang hapon matapos nagpinalupok sang pusil si Catedral.

Nagkinaran-karan man paguwa sa hotel ang mga empleyado sang hotel sa kahadlok nga madalahig sa standoff.

Si Catedral ang gin-charge nga absence without leave (AWOL) bangud masobra isa ka bulan na ini nga wala nakareport sa Iloilo City Public Safety Company.  (JoMaque)

Archives, Gallery, News

Related posts

Leave a Comment