Masobra 700 ka benipisaryo sang Emergency Shelter Assistance sa San Dionisio, Nagsulong sa kapitolyo kag Nagpakig-dayalogo sa Gobernador

Masobra 700 ka benipisaryo sang Emergency Shelter Assistance sa San Dionisio, Nagsulong sa kapitolyo kag Nagpakig-dayalogo sa Gobernador
11992133_981235328604267_1794703255_n
Ang mga ESA benificiaries sa San Dionisio nga nagpakig-dayalugo kay Gov. Art Defensor. (Photo by: Aksyon Mario Gelongo)

Iloilo City — Pangabayon ni Governor Arthur Defensor ang Department of Social Welfare and Development (DSWD) 6 nga magtukod sang investigating team sa San Dionisio.

Kasunod ini sa reklamo sang masobra 700 ka mga Yolanda victims nga tubtub subong wala pa nakabaton sang emergency shelter assistance (ESA).

Nagpadulong kaina sa provincial capitol kag nagpa-utwas sang hibubun-ot ang mga Yolanda victims batuk sa local government unit sang amo nga banwa.

Ipa-usisa sang gobernador kon matuod ang report nga ginabuhinan sang P500 ang gin-claim nga P30,000 sang kada benipisaryo.

Nagpasalig man ini nga magapakig-angut kay DSWD Secretary Dinky Soliman kon indi masolbar sang DSWD 6 ang paghatag sang ESA sa mga Yolanda victims.

Gin-athag naman ni Mrs. Rose San Agustin sang DSWD 6 nga wala nahatagan ang iban nga benipisaryo bangud naga-claim nga totally-damaged ang balay apang sa listahan nagapakita nga partially-damaged.  (JoMaque)

Archives, Gallery, News, SlideshowGallery

Related posts

Leave a Comment