Mayor Jed Patrick Mabilog, Dismayado sa Magamay nga Numero sang mga Drug addicts nga Nagapa-rehab sa Drop-in Centers

Iloilo City — Madamu sang rason ang mga punong barangay kun ngaa diutay lang ang gma drug addicts nga nagkadtu sa drop-in center agud magpa-rehab.

Sa “Hublag Kontra Droga: Arming the BADAC” nga ginpangunahan ni Mayor Jed Patrick Mabilog sa Jaro covered gym, ginpabutyag sang mga punong barangay nga madamu ang wala nagparehab bangud wala naga-kooperar ang pamilya samtang ang iban may obra kag wala makahangup sa rehabilitation program.

Nadismaya si Mabilog nga wala nalab-ot ang target nga 30 ka drug surrenderees ang mapa-rehab sa aga kag 30 man sa hapon sa kada distrito.

Wala naman sang may gin-commit nga surrenderee ang mga punong barangay sa Arevalo, Lapuz, Mandurriao kag La Paz.

Gin-ako sang alkalde nga madamu ang kapaltahan sa pagsugod sang programa kag nagapati ini nga sa sulod sang 3 ka bulan, madamu ang mga surrenderee ang magakooperar sa rehabilitation program sang syudad. (JoMaque)

Archives, Gallery, News, SlideshowGallery

Related posts

Leave a Comment