Mayor Jed Patrick Mabilog, Naakig sa Manubo nga Attendance sa Hublag Kontra Druga sa Jaro Gym Kahapon!

Iloilo City–Gin-akigan ni Mayor Jed Patrick Mabilog ang mga punong barangay sa ginhiwat nga Hublag Kontra Druga sa Jaro Covered Gym kahapon.

Nadismaya ang alkalde bangud diutay lang ang mga nagtambong nga mga miembro sang  Barangay Anti-Drug Abuse Council ukon BADAC. Magluwas sini, ginsuknaan man ni Mabilog ang mga punong barangay sa manubo nga numero sang mga drug users nga nagapa-rehab sa mga drop-in centers sa kada distrito ilabe na ang taga-Lapuz, Arevalo, Mandurriao kag Lapaz.

Suno sa alkalde, dapat nga ipakita sang mga barangay officials ang ila kooperasyon bangud nagpa-in sang pundo ang syudad para sa drop-in centers kag libre ang tanan para sa rehabilitation, apang wala gihapon sang nagaseryoso sa programa.

Ang aktibidad kahapon nga gintawag “Hublag Kontra Druga: Arming the BADAC” ang kasugpon sang una nga Hublag Kontra Druga nga ginlunsar sang syudad sang Hunyo 15.

Katuyuan sini ang re-orientation kag pledge of commitment sang BADAC members sa kampanya kontra illegal nga druga. (AGB)