Mayor Jed Patrick Mabilog, nagpatawag sang Command Conference sa kapulisan sa syudad; Pagtutok sa kampanya kontra illegal nga druga kag sa ginatudlo dalagku nga drug personalities kag pag-usisa sa nagalagaw nga “white papers”, ginmandu sang alkalde

Mayor Jed Patrick Mabilog, nagpatawag sang Command Conference sa kapulisan sa syudad; Pagtutok sa kampanya kontra illegal nga druga kag sa ginatudlo dalagku nga drug personalities kag pag-usisa sa nagalagaw nga “white papers”, ginmandu sang alkalde
mayor
(Photo by Aksyon Niel Gumban)

Iloilo City — Tatlo ka mga puntos ang hatagan sang pagtamod sang Iloilo City Police Office may kaangtanan sa seguridad sang siudad.

Sa ginpatawag nga command conference ni Mayor Jed Patrick Mabilog, ginmanaduan sini si ICPO OIC Sr/Supt Khasmir Disomangcop ang pagdakop sa mga top drug personality, istrikto nga pagrekisa sa bodyguard sang public official kon bala may lisensya ang pusil sa ti-on nga magsulod sa city hall kag pag-usisa sa 8 ka pahina nga “white papers” nga nagalagaw kon bala matu-od nga sanday Councilor Plaridel Nava kag businessman Nelson Golez ang may kahilabtanan sa pagtiro patay kay PDEA 6 agent PO2 Frederick Capasao.

Tinguhaan suno kay Disomangcop nga madakop sang mga pulis ang top drug personality samtang magadugang sang 3 ka PNP personnel sa city hall agod magbantay sa entrance kag dakpon ang bodyguard sang public official kon wala sang lisensya ang pusil.

Nagpaandam ang alkalde nga kon indi ma-aktuhan ang iya ginapangayo tubtub sa katapusan sang Disyembre, i-rekomendar sini ang pag-relieve sa mga station commander sang ICPO. (JoMaque)

Archives, Gallery, News

Related posts

Leave a Comment