Mayor Joe Espinosa, ginakonsiderar ang indi pagpahanugot sa Jaro ABC nga pasiraduhan ang plaza para sa Agro-Industrial and Charity Fair

Iloilo City — Ginakonsiderar ni Mayor Joe Espinosa nga indi na pag tugutan ang Jaro ABC nga pasiraduhan sang isa ka bulan ang Jaro Plaza para sa Jaro-Agro Industrial and Charity Fair. Ginpahayag ni Espinosa nga nagapasalamat sa iya si Jaro Archdiocese Angel Lagdameo bangud sa pagpatinlo, pagpasanag kag sa wala pagtugot niya nga mangin merkado ang mga plazas ilabi na sa Jaro. Apang suno sa alkalde, ipa tun an pa man niya ang request sang Jaro ABC. Sa subong, ginpahayag sang alkalde nga daku ang posibilidad nga indi na niya pagtugutan ang Jaro plaza nga pasiraduhan. (JoMaque)