Mayor Mabilog, Indi makahatag sang Assessment sa Epekto sang Illegal drug trade sa Syudad matapos nga Napatay ang Mag-asawa nga Odicta – Atty Mark Piad

Iloilo City — Indi makahatag sang assessment si Mayor Jed Patrick Mabilog kon bala naghina na ang baligya-anay sang illegal nga druga sa syudad matapos napatay si PDEA 6 identified drug group leader Melvin Odicta kag iya asawa nga si Meriam sa Caticlan Jetty Port sang Agosto 29 sang kaagahon.

Ginatugyan na lang ni Atty. Mark Piad, spokesperson ni Mayor Mabilog sa Philippine Drug Enforcement Agency (PDEA) ang pag-assess sa epekto sang illegal drugs sa syudad.

Sang 2010 pa suno kay Piad nabal-an ni Mabilog nga drug group leader si Odicta kag gin-athag sini nga wala nagapabaya ang alkalde bangud nagahatag ini sang suporta sa PDEA kag PNP sa kampanya kontra illegal nga druga.

Samtang ginpahayag ni Piad nga mahimo indi na magkadtu ang alkalde sa hamyang sang mag-asawa nga Odicta. (JoMaque)

Archives, Gallery, News, SlideshowGallery

Related posts

Leave a Comment