Mayoriya sang mga residente sa Brgy. San Rafael Mandurriao, indi pabor nga butangan sang voting center ang SM City para sa May 9 elections

Mayoriya sang mga residente sa Brgy. San Rafael Mandurriao, indi pabor nga butangan sang voting center ang SM City para sa May 9 elections
12714137_1041357499261346_1602647750_n
Photo: Aksyon Kikik Enar

Iloilo City — Kadam-an sang mga pumuluyo sa Barangay San Rafael, Mandurriao ang nagapamatok nga magboto sa SM City sa Mayo 9 nga eleksyon.

Kasunod ini sang pagpili sang Comelec Central Office nga butangan sang voting center ang nasambit nga mall.

Suno sa 73-anyos nga si Rogin Amaguin, indi magboto ang 90 ka mga senior citizens bangud indi na sila makasarang maglakat padulong sa mall kag indi man nila masarangan ang matugnaw nga lugar nga makapadugang lang sa ginabatyag nila sa lawas.

12713934_1041357485928014_1871753740_n
Asst. City Comelec Officer Jonathan Sayno. (Aksyon Kikik Enar)

Nagpasalig naman si Asst. City Comelec Officer Jonathan Sayno nga ipalab-ot niya sa Comelec Central Office ang sentimiento sang taga-San Rafael.

Mas maayo suno kay Sayno nga temprano pa mahibaluan Comelec ang pagpamatuk sang mga residente sang amo nga barangay agud gilayon nga ma-aksyonan.

Magahiwat man sang public hearing ang City Comelec suno kay Sayno sa mga pumuluyo sa Roxas Village, City Proper agud kuhaan snag sentimiento sa pagbutang sang voting center sa Robinson’s Place kag sa Brgy. Laguda kag Luna La Paz nga magaboto naman sa voting center sa Gaisano Capital.  (JoMaque)

Archives, Gallery, News

Related posts

Leave a Comment