Mga bakante nga lote sa syudad, ginaduso ni Liga President kag ex-officio Councilor Reyland Hervias nga himuon parking area

Iloilo City–Ipa-identify ni Liga President kag ex-officio City Councilor Reyland Hervias sa City Assessor’s Office ang mga barangay sa syudad nga may bakante nga lote agud magamit nga paid parking area.

Base ini sa resolution ni Hervia. Suno kay Hervias, ang Assessor’s Office ang nakahibalo kun diin nga barangay ang may bakante nga lote agud nga malista kag masumiter kay Mayor Jed Patrick Mabilog.

Ang Assessor’s Office ang ma-istorya sa tag-iya sang duta kag magadumala sang paid parking area kun puwede na magamit ang bakante nga lote.

Katuyuan sang resolution sang konsehal nga mapahagan-hagan ang problema sa trapiko kag on-road parking. (AGB)