Mga barangay officials, gin-engganyo ni Mayor Jed Patrick Mabilog nga i-sustiner ang istrikto nga implementasyon sang Curfew for Minors Ordinance!

Iloilo City–Nagalaum si Mayor Jed Patrick Mabilog nga ma-sustain sang mga barangay officials ang mas istrikto nga pagpatuman sang Curfew for Minors Ordinance tubtub masulod sa paminsaron sang mga pamatan-on ang mga konsekuwensya kun maglapas sa ordinansa.

Kasunod ini sang madinalag-on nga simultaneous activity sang Task Force on Moral and Values Formation sang Marso 15 sang gab-i.

Suno sa alkalde, may mga barangay patrols nga ginhatag ang syudad sa mga barangay nga puwede magamit sa pag-ronda sa tion sang curfew hours.

Sa record sang Task Force sa una nga gab-i sang gin-relaunch ang Curfew for Minors Ordinance, 22 ka mga menor-de-edad ang nadakpan nga naglapas. Ginpahayag ni Task Force Head Jorge Duron nga sige-sige na ang saturation drive sa kada barangay agud masiguro nga nagasunod ang mga menor-de-edad sa ordinansa. (AGB)