Mga Biker’s Club, Nag-upod sa Bike Away From Drugs nga Event sa Sta. Barbara

Sta. Barbara, Iloilo–Ginpasakupan sang nagkalain-lain nga biker’s club sa probinsya sang Iloilo ang gin-organisar nga ‘Bike Away from Drugs’ sang Sta. Barbara police kahapon.

Suno kay PSI Wilmar Bolivar, hepe sang Sta. Barbara Police Station, ang aktibidad kabahin sang ila kampanya kontra illegal nga druga kag pagpakita sang pagtinguha sang kapulisan nga dulaon ang illegal drugs sa banwa. Target sang Sta. Barbara police nga mangin drug-free ang banwa matapos gintawag ni Presidente Rodrigo Duterte nga ‘most shabulized’ ang Iloilo.

Gin-imbitar man sa event ang mga drug surrenderees sa Oplan Tokhang agud masiguro ang ila commitment nga suportahan ang kampanya kontra illegal nga druga kag indi na magbalik sa bisyo. (AGB)

Archives, Gallery, News, SlideshowGallery

Related posts

Leave a Comment