Mga empleyado sang City Hall, bug-os ang suporta sa pag-file sang COCs sang grupo ni Mayor Jed Patrick Mabilog

Mga empleyado sang City Hall, bug-os ang suporta sa pag-file sang COCs sang grupo ni Mayor Jed Patrick Mabilog
12063944_10205030154661095_490445765_n
(Photos by Aksyon Johhny Diaz)

Iloilo City — Bug-os ang suporta sang mga city hall employees sa mga kandidato sang Liberal Party nga nag-file sang ila certificates of candidacy kaina sang aga.

Ginhawanan pa ang alagyan pakadto sa City Comelec Office sa Iloilo Terminal Market antes nagsaka ang mga LP candidates samtang naginutok ang mga supporters sa idalum.

Lakip sa mga nag-file sang ila COC kaina sang aga sanday incumbent Congressman Jerry Treñas kag incumbent Vice Mayor Jose Espinosa III.

Nag-upod man sa pag-file sang COC ang mga kandidato sang LP sa pagka-konsehal nga ginalakipan nanday councilors Julie Grace Baronda, Rodel Agado, Jay Treñas, Liezl Zulueta-Salazar, Ed Peñaredondo, Armand Parcon kag R Leone Gerochi; former Councilors Ely Estante, Jeffrey Ganzon kag Mandrie Malabor, kag neophyte nga si Punong Barangay Quirico Acap. 12166108_10205030154861100_1629503765_n

Una na nga nag-file sang COC ang isa pa ka bag-uhanon nga kandidato sang LP sa pagka-konsehal nga si Doctor Candice Tupas.

Ala-1 sang hapon naman nag-file sang iya COC si incumbent Mayor Jed Patrick Mabilog. (JoMaque)

Archives, Gallery, News

Related posts

Leave a Comment