Mga Pasahero sang Ceres Bus, Ginhold-up sa Passi City!

Passi City, Iloilo–Ginhold-up sang tatlo ka lalaki ang Ceres Bus sa Barangay Sarapan kagab-i.

Suno kay Po3 Michael Catalogo sang Passi City Police Station, nataban sang mga suspek ang P2, 000 nga koleksyon kag cellphone sang konduktor. May nakuha man nga cellphones sa apat sa pito ka mga pasahero.

Ginpahayag nga gintayaan sang 38-caliber revolver kag improvised 12-gauge shotgun ang mga sakay sang bus.

Halin sa Iloilo City kag padulong sa Roxas City, Capiz ang bus sang natabu ang pagpanghold-up. Nagpalagyo ang mga suspetsado pagkatapos sang ginhimo. (AGB)