Mga pumuluyo sa syudad kag probinsya, nagabugtaw sa matuod nga problema sa illegal drugs kasunod sang legislative meeting nga ginpangunahan ni Sen. Grace Poe

Iloilo–Mas nakamuklat na ang pumuluyo sa matuod nga problema sa illegal nga druga sa siyudad kag probinsiya bangud sa legislative meeting sang senado sa natabu sa Aksyon Radyo Iloilo.

Suno kay Governor Arthur Defensor, paagi sa meeting nga ginpangunahan ni Senator Grace Poe, chairperson sang Senate Committee on Public Order and Dangerous Drugs, mas nahibaluan sang pumuluyo kun ano ka seryoso ang problema sa illegal nga druga sa Iloilo kag nakita man kun ano ka–importante ang bag-o nga stratehiya agud matungkad ang puno kag punta sang problema.

Nahatagan man suno sa iya sang kaisog ang pumuluyo agud magbulig sa mga otoridad para makilala ang mga personalidad nga yara sa likod sang pagbaligya sang illegal drugs. (Aine Grace Bravo)