Mga Punong Barangay sa Syudad, Ginmanduan ni Mayor Jed Patrick Mabilog nga Magpasa sang BADAC Report Kada Bulan

Iloilo City–Nag-isyu sang memorandum order si Mayor Jed Patrick Mabilog nga maga-require sa mga punong barangay nga magsumiter sang Barangay Anti-Drug Abuse Council ukon BADAC report kada bulan.

Bulig ini sang city government sa kapulisan suno sa alkalde agud makilala ang mga drug personalities kag matapna ang illegal nga druga.  Pagasapulon ni Mabilog ang mga punong barangay subong nga adlaw upod ang mga station commanders sang Iloilo City Police Office agud istoryahan ang mga dapat nila himoon sa pagsolbar sang problema sa illegal drugs.

Nagpaandam pa ang alkalde na isugid sa media ang mga kapitan nga indi makasumiter sang BADAC report.

Setyembre 15 ang ginhatag nga deadline sang alkalde sa mga kapitan agud magsumiter sang BADAC report. (AGB)