Mga taxi drivers sa syudad, magahiwat sang Black Wednesday protest bilang pagkontra sa mandu sang LTFRB nga himoon permanente sa P30 ang flagdown rate

Iloilo City — Wala sang pag-untat sa biyahe sang mga taxi bisan pa may Black Wednesday Protest sila sa Marso 16 kontra sa LTFRB order nga paghimo permanente sang flag-down rate sa 30 pesos.

Gin-athag ni Toto Baculado nga miembro sang United Taxi Drivers of Panay nga magasige sa pagbiyahe ang mga taxi drivers.

Ang mga off-duty, maga-upod sa rekoreda kag caravan halin sa Jaro plaza padulong sa opisina sang LTFRB 6.

Masumiter ang grupo sang position paper nga naga-manifest sang ila pagpamatuk sa mandu.

May misa sa Jaro Cathedral antes ang caravan.Magasuksok naman sang itom nga armband ang mga taxi drivers kag magapamusina agud ipakita ang disgusto sa gintawag ni Baculado nga amat-amat nga pagpatay sa taxi industry. (JoMaque)

Archives, Gallery, News

Related posts

Leave a Comment