Mga ukay-ukay, wala nalakip sa mga balantayan nga produkto sang DTI

Iloilo City — Wala nalakip sa balantayan nga mga produkto sang Department of Trade and Industry ang mga ukay-ukay, lokal man ukon imported.  Reaksyon ini ni DTI Iloilo Provincial Director Diosdado Cadena Jr sa isyu sang pagpademolish ni acting Mayor Joe Espinosa sang mga kiosko sang ukay-ukay sa Jaro kag Mandurriao Plazas. Ginpabutyag ni Espinosa nga ang DTI ang may jurisdiction sa mga ukay-ukay sa mga malls. Sa opinion naman kay City Administrator Hernando Galvez, ang imported used clothings lang ang ginadumili sa laye nga ibaligya.  Ginpa-athag ni Director Cadena nga indi nila sakup ang pagregulate sang negosyo sang ukay-ukay bangud wala ini nalakip sa basic necessities kag prime commodities nga nasaad sa Price Act nga ila ginabantayan.  Ginatudlo ni Cadena sa Bureau of Customs ang pagbantay agud indi makalusot sa pungsod ang imported nga mga ukay-ukay kag ang local government units kag iban pa nga enforcement agencies ang magaregulate. (JoMaque)

Archives, Gallery, News, SlideshowGallery

Related posts

Leave a Comment