Miagao nga Jeep, Nagbunggo sa Backhoe sa Tigbauan; 15 Pilason!

Tigbauan, Iloilo — 15 ka mga pasahero sang miagao nga jeep pakadto sa syudad ang ginpangdala sa ospital matapos nakabunggo ang salakyan sa back hoe sa Tigbauan kaina sang aga.

14 ang gindala sa guimbal district hospital samtang isa ang ginrefer sa Iloilo Doctor’s Hospital sa syudad.

Suno sa konduktor sang jeep, gulpi lang nagliko ang back hoe kag posible na-alang-alang ang iya driver nga si Francis Kent Paulma gani nga nakabunggo.

Nagreklamo sang pagpanalakit sang ila lawas kag iban pa nga menor nga kapilasan ang mga na-ospital.

Gin-aresto naman si Paulma kag ang driver sang back hoe nga si Bernie Caquesta.

Ang back hoe ginapanag-iyahan sang International Builders Corporation nga nagakay-o sang karsada malapit sa sementeryo sang Tigbauan. (JoMaque)

Archives, Gallery, News, SlideshowGallery

Related posts

Leave a Comment