Opening Salvo Sang 50th Dinagyang Festival Hiwaton Subong Nga Adlaw, Klase Sa Mga Public Schools Sa Tanan Nga Lebel Sa Syudad Suspendido Karun Sa Hapon

Iloilo City – Wala sang klase ang mga public schools sa tanan nga level sa syudad karon sa hapon bangud sa Opening Salvo sang 50th Dinagyang Festival.

Nagpaguwa kahapon si Mayor Joe Espinosa sang Executive Order Number 7 Series of 2018 nga nagasuspender sang mga klase karon sa hapon sa tanan nga level sang public schools. Ginmanduan ni Mayor Espinosa si Ms. Lucy Sinay sang Public Information Office nga ipalapta ang impormasyon. Nakadepende naman sa presidente, administrator ukon principal sang private school ang pagsuspender sang ila klase.

Nagpaguwa si Mayor Espinosa sang EO bangud siraduhan sang Public Safety and Transportation Management Office ang mga dalan sa downtown area nga labayan sang parada. Magasugod ang traffic rerouting ala-1 sa hapon. 10 ka mga tribu ang mapakita sang teaser sang ila mangin performance sa highlight sang Dinagyang Festival sa Enero 28.

(ATT)

Archives, Gallery, News, SlideshowGallery

Related posts

Leave a Comment