Opinion sang City Legal Office sa Pag-operate sang GIFT sa Parola area, Magadepende kun Adoptaron sang City council

Iloilo City — Magadepende sa city council kun ila adoptaron ang legal opinion sang City Legal Ofice nga indi na kinahanglan ang franchise agud maka-operate ang Guimaras-Iloilo Ferry Terminal (GIFT) sa Parola Area.

Gin-athag ni City Administrator Atty. Hernando Galvez nga maka-operate ang GIFT bisan wala sang franchise base sa Joint Venture Agreement nga ginpirmahan sang city government kag developer nga Double Dragon Properties Corporation.

Daku man ang posibilidad suno kay Galvez nga adoptaron ang legal opinion bangud nagaserbe nga legal adviser ang City Legal Office kun may ginakuwestyun ang city council ilabe na sa inugpasar nga resolution ukon ordinansa.

Gin-refer ni Councilor R Leone Gerochi, chairman sang Committee on Public Utility sa City Legal Office ang sulat sang Double Dragon kay Mayor Jed Patrick Mabilog nga nagapabalo nga makagamit ang pasahero sang facilities sang GIFT nga wala sang terminal fee sa sulod sang 10 ka tuig. (JoMaque)

 

Archives, Gallery, News, SlideshowGallery

Related posts

Leave a Comment