P6-M nga balor sang illegal drugs, nakomfiscar sa drugbust operations sang PAIDSOT sa San Joaquin

San Joaquin — Nangin madinalag-on ang kampanya sang probinsya kontra illegal nga druga sa pagsulod sang 2016.

Kasunod ini sa pagkadakop sang Provincial Anti-Illegal Drugs Special Operations Task Group (PAIDSOT) sa mga ginatudlo drug personalities sa Brgy. Tiolas, San Joaquin sa drugbust operations.

Ginpahayag ni Senior Inspector John Ryan Doceo, team leader sang PAIDSOT, nga nadakpan sanday Rasmia Mustapa sang Culiat, Quezon City kag Jekerie Sepi sang Bakhaw Mandurriao.

Nakomfiscar sa mga suspek ang isa ka kilo sang suspected shabu nga ginbanta nagabalor sang P6 milyones .

Masobra na sa tatlo ka bulan nga gin-surveillance sang PAIDSOT sanday Mustafa kag Sepi sa diin nahisugtan nga Sa San Joaquin himoon ang drugbust operation bangud man sa impormasyon nga sa amo nga lugar sila ma-transport sang illegal nga druga. (JoMaque)