Pagbukas sang Palarong Pambansa 2017 sa Antique, nangin madinalag-on!

Antique — Nangin madinag-on ang pagbukas sang Palarong Pambansa 2017 sa Binirayan Sports Stadium sa San Jose de Buenavista, Antique. Ini ang pahayag ni Presidente Rodrigo Duterte nga opisyal nga nagbukas sang pahampang.

Suno kay Duterte, dapat nga madevelop ang sense of responsibility kag nationalism ukon pagpalangga sa pungsod sang mga atleta kasunod sang pahampang.

Nagpasalig naman si Duterte nga padayon nga makabaton ang sektor sang edukasyon sang pinakadako nga porsyon sang budget sa pagpati nga ini ang makasalbar sa pungsod sa pila ka adlaw. Liwat naman nga nagpahanumdom si Duterte sa publiko nga likawan ang paggamit sang illegal nga druga kun indi gusto nga mapatay.

Dugang niya,dapat man pangita-on kag patyun ang mga terorista kasubong sang Abu Sayyaf .    Upod ni Duterte nga nagtambong sa kahiwatan ang iya ginpabugal nga Ilonggo common-law- wife nga si Honeylet Avanceña, ila bata, kag iban pa nga matag-as nga mga opisyal sa gobyerno. (JoMaque)