Pagpatuman sang Ordinansa sang Buenavista Guimaras nga patyon ang mga layaw nga ido, dapat himoon sang sharp shooter suno sa DA Regional Welfare Officer

Guimaras — Ginpanugyan ni Department of Agriculture Regional Welfare Officer Dr. Fernando Abulencia nga kinahanglan ang sharp shooter ang matiro sa layaw nga mga ido sa Buenavista, Guimaras agud mapatay gilayon. Panugyan ini ni Dr. Abulencia sang mainterview sang Aksyon Radyo may kaangtanan sa ordinansa sang Buenavista LGU nga pamatyon ang mga layaw nga ido. Suno kay Dr. Abulencia, wala sang violation sa Animal Welfare Act kon may deklarasyon ang local chief executive nga higtan ang mga ido kay kon maglagaw, pamatyon paagi sa pagtiro sang 22 caliver nga pusil bangud delikado nga makakagat kag posible mabunggu-an sang nagadala sang motorsiklo. Dapat suno kay Dr. Abulencia nga siguraduhon sang manugtiro nga mapatay ang ido sa isa lang ka bala kag indi na mag-antus para wala sang violation sa Animal Welfare Act. Dugang ni Abulencia, may salabton lang ang kon wala matapat ang ido kag mapamatud-an nga nag-antus pa antes mapatay. (JoMaque)

Archives, Gallery, News

Related posts

Leave a Comment