Pagpili Sang School Supplies Dapat Utihan Sang Mga Ginikanan – DTI 6

Iloilo City – Dapat utihan sang ginikanan ang pagpili sang school supplies bangud may mga produkto nga mataas ang lead content.

Suno kay Judith Degala, chief sang Trade and Development Division sang DTI 6, kinahanglan mangin mabinantayon ang mga ginikanan sa pagbakal sang school supplies para sa pagbukas sang klase. Mas maayo suno sa iya nga makasiguro agud makalikaw sa problema.

Pila lang sa gintumod ni Degala nga may lead content ang mga crayons kag lapis.

Nagpasalig naman si Degala nga magluwas sa pagbantay nila nga wala sang pagsaka sa presyo sang school supplies, nagalibot man ang ila personnel agud masiguro nga wala sang makalusot nga smuggled nga produkto.

(Aljohn Torreta)