Palaro Update: Presidente Rodrigo Duterte, sigurado na nga maabot sa opening ceremony

Antique–Sigurado na ang pag-abot ni Presidente Rodrigo Duterte sa opening ceremony sang Palarong Pambansa 2017.

Ginpabalo ini ni Wilson Geronimo, chairman sang Publicity Committee sang Palaro 2017 sa Antique. Ginpahayag ni Geronimo nga daku nga kadungganan para sa mga Antiqueños nga maghost sa labing una nga tiun sang Palaro kag excited naman sa pag-abot ni Presidente Duterte.

Maga-abot man sa opening ceremony si Senator Loren Legarda nga isa sa mga nagbulig suno kay Geronimo agud madayon ang paghost sang probinsya sang hinampang.

‘Augmentation’

Nag-abot naman sa Antique ang 460 ka miembro sang Regional Public Safety Battalion sang Police Regional Office 6 agud mag-augment sa pagbantay sang seguridad sa 2017 Palarong Pambansa.

Alas-10 kaina sang aga sang ginhiwat ang send-off ceremony sa Camp Delgado. Ala-1 naman sang hapon sa San Jose, ginhimo ang Final Coordinating Conference on Security Preparation.

Ginmanduan ang mga pulis nga siguraduhon ang zero-crime nga Palarong Pambansa. (AGB)

Archives, News, SlideshowGallery

Related posts

Leave a Comment