Pamilya sang Ilongga OFW nga nasapwan sa freezer sa Kuwait, nakabaton sang P600K nga financial aid halin sa gobierno

Manila — P600,000 ang financial aid nga ginhatag sang gobyerno sa pamilya ni Joanna Demafelis, ang Ilongga overseas Filipino worker nga nasapwan sa sulod sang freezer sa Kuwait.

Sa Senate hearing kahapon tuhoy sa sitwasyon sang mga OFWs, gin-confirmar ni Labor Secretary Silvestre Bello III nga gindugangan sang gobyerno ang death benefit kag livelihood assistance sa pamilya ni Demafelis. Suno sa tiglikum, 300 mil pesos ang ginhatag para sa death benefit, 200 mil pesos nga livelihood assistance kag 100 mil pesos nga educational assistance.

May iban pa nga ahensya kag grupo nga nagahatag sang humanitarian sympathy sa pamilya paagi sa financial assistance suno pa kay Bello.

Si Demafelis ang nagtrabaho sa Kuwait sang 2014 kag nadula halin sang Setyembre 2016 antes nasapwan sa sulod sang freezer sa abandonado nga apartment subong lang nga bulan. Nagaguwa sa inisyal nga imbestigasyon nga gin-abusuhan ang OFW. Ang kamatayon sini ang nangin rason sang pag-implementar sang goberyno sang deployment ban sang mga OFWs sa Kuwait. (JoMaque)