Pasahero sang Cebu Pacific halin Hongkong pa-Iloilo, nagreklamo matapos nga wala nadala sa flight ang iya bagahe!

Pasahero sang Cebu Pacific halin Hongkong pa-Iloilo, nagreklamo matapos nga wala nadala sa flight ang iya bagahe!
cebu-pacific-logo-NEW
(c) Google

Iloilo — Nagreklamo ang pasahero sang Cebu Pacific Flight 5J-240 halin Hongkong pa-Iloilo matapos nga wala nadala sa flight ang iya bagahe kahapon sang kaagahon.

Suno kay Amalia Bayog sang Tibiao Antique, naayawan siya ka hulat upod sa iban nga pasahero sang naghugpa na ang eroplano sa Iloilo International Airport.

Kon wala suno sa iya nagreklamo ang mga pasahero, wala pa nagpa-athag ang taga-Cebu Pacific nga na-offload ang ila mga bagahe ukon wala nadala sa flight bangud over-luggage na.

Wala sang mahimo ang mga pasahero kundi magpauli sa ila tagsa ka lugar.

Nagpasalig naman suno kay Bayog ang Cebu Pacific Management nga idul-ong ang iya bagahe buwas. (JoMaque)

Archives, Gallery, News

Related posts

Leave a Comment