PDEA 6-identified Drug Group Leader Melvin Odicta alyas Boyet kag asawa nga si Meriam, Gintiro Patay sa Caticlan Jetty Port

Malay, Aklan — Patay na ang gintudlo sang PDEA 6 drug group leader nga si Melvin Odicta alyas Boyet.

Ginkonfirmar ini ni Senior Supt. John Mitchell Jamili, Director sang Aklan Police Provincial Office.

Suno kay Jamili, napatay man ang asawa ni Melvin nga si Meriam matapos gintiro ang mga ini sang duha ka wala pa makilala nga gunmen samtang nagalakat sa walkway sang Caticlan Jety Port sa Malay Aklan ala 1:30 kaina sang kaagahon.

Bag-o lang nagpanaug ang mag-asawa sa 2go nga barko halin sa Batangas port suno kay Jamili sang natabu ang pagpangtiro.

Nakapalagyo ang mga suspek samtang naga-conduct na ang Aklan police sang imbestigasyon agud makilala ang mga ini.

Gin-ako naman ni Nevin Maquirang, administrator sang Caticlan Jetty Port nga wala sang CCTV camera nga nakatutok sa canopy sa diin natabu ang krimen. (JoMaque)

Archives, Gallery, News, SlideshowGallery

Related posts

Leave a Comment