PECO Nagpasalig Nga Sabton Ang Ipadala Nga Questionnaire ni Councilor R Leone Gerochi Matapos Wala Nagtambong Sa Public Hearing Sa Imbestigasyon Tuhoy Sa Ginpahayag Iregularidad Sa Electric Company

Iloilo City- Sabton sang Panay Electric Company ukon PECO ang questionnaire nga ipadala ni Councilor R. Leone Gerochi, chairman sang Committee on Public Utilities, may kaangtanan sa mga reklamo batuk sa kompaniya.

Ginpasiguro ini ni Mikel Afzelius, Corporate Communications Officer sang PECO, matapos ginpatimaan ni Gerochi nga mapadala siya sang questionnaire sa electric company matapos nag-isnab sa iya ginpatawag nga public hearing sandig man sa request nga imbestigasyon ni Mayor Jed Patrick Mabilog. Suno kay Afzelius, wala man sila sang konflikto ni Councilor Gerochi kag makapila ka beses naman sila nga nag-deal sa opisina sang konsehal.

Nagpatawag sang public hearing si Gerochi bangud sang madamo nga reklamo sa billing sang mga konsumedor sang PECO. Pero wala nagpadala sang representative ang PECO kag ginrason nga indi proper venue ang konseho agud magsabat sila sang mga reklamo.

(Aljohn Torreta)

Archives, Gallery, News, SlideshowGallery

Related posts

Leave a Comment