Performance sang mga chiefs-of-police sa probinsya, iga-review sang bag-o nga IPPO OIC-Sr/Supt. Roderick Alba

Iloilo–Iga-review ni IPPO OIC Sr/Supt. Roderick lba ang performances sang tanan nga chiefs-of-police sa probinsya agud mahibaluan kon bala magapatuman siya sang pagbalasa.

Gin-athag sini nga wala siya sang mandate nga mag-implementar sang pagbalasa bilang officer-in-charge sang IPPO apang may otoridad siya nga magrekomendar kon may makita nga wala nagasunod sa programa sang iya opisina. Ginpasalig naman ni Alba si Governor Arthur Defensor nga sundon ang gina-promote sini nga accountability, transparency kag good governance sa probinsya.

Gin-ako ni Alba nga dako nga trabaho ang ginhatag sa iya bilang OIC sang IPPO bangud sang mga accomplishments nga ginbilin ni former IPPO Director Cornelio Salinas.

Si Alba nga tumandok sang Dueñas ang duha ka tuig nga nagpangalagad bilang regional police community relations chief sa Campo Delgado antes ginpahamtang bilang IPPO OIC. Madugay nga nag-assign sa Bacolod City Police Office kag sa Negros Occidental Police Provincial Office si Alba antes gin-assign sa Police Regional Office 6. (Aine Grace Bravo)