Peryante, nagbuyagyag nga wala ginpaagi sa bidding ang pagpili sang operator sang perya para sa Jaro fiesta; pila ka mga punong barangay sa Jaro, ginpahayag nakabaton sang kuwarta

Iloilo City — Wala ginpaagi sa bidding ang pagpili sang operator sang perya para sa Jaro fiesta. Ginbuyagyag ni Mrs. Marivic Gallenero, operator sang perya, ginhingyo niya sa Jaro ABC nga indi na pag-ipaagi sa bidding kag ihatag sa mga taga-Jaro ang area nga butangan sang perya. Apang nag-entra suno sa iya ang isa pa ka operator nga si Juvy sSguesa gani ginboto-botohan sang mga punong barangay.

Nagdaug suno sa iya sa botohay si Siguesa bangud may ginhatag ini nga kuwarta sa mga nagtambong nga kapitan. Ginpahayag ni Gallenero nga 11 lang ka kapitan ang nagboto sa iya samtang 25 ang nagboto kay siguesa samtang 6 ka kapitan ang absent.  Ginpabutyag ni Gallenero nga nakita niya nga may hatagay sang kuwarta sa mga kapitan bangud amu man ini ang ginhimo niya sang nagligad nga tuig.

Naguwa ang ngalan ni Gallenero sang gin-akusahan ni Jaro ABC President Leo Lindero si Benedicto Jaro barangay kagawad Abelardo Salting nga may personal nga interest sa tuyo nga pagpaguba sang mga kiosko sa guwa sang plaza bangud wala nagdaug ang ginasuportahan sini nga operator sang perya. (JoMaque)