Phil. Ports Authority, nagbutang sang CCTV camera sa Iloilo Fastrcraft Terminal sa Lapuz kasunod sang reklamo nga “kupos-goma” sang mga naga-park nga salakyan

Iloilo City — May ginbutang na nga CCTV camera ang Philippine Ports Authority sa guwa sang Iloilo Fastcraft Terminal sa Lapuz. Ang tikang sang PPA kasunod man sa mga reklamo sang pasahero nga ginapakuposan ang goma sang ila salakyan nga nagaparking sa fast craft terminal. Isa pa lang ka CCTV camera ang gin-install kag isunod ang 3 pa ka units sa masunod nga inadlaw. May rekomendasyon ang PPA sa Lapaz Police Station kag ini nalakipan sa pag-regulate sang nagagwa-sulod nga salakyan, pagdumili sang overnight parking kag pagbutang sang 4 ka CCTV camera sa gwa sang fast craft terminal. Nagbalibad si PPA Public Information Officer Rodel Lagmay nga magpa-interview sa Aksyon Radyo bangud padayon pa ang imbestigasyon sa natabo nga pagpakupos sang goma sang mga salakyan nga naga-park sa fast craft terminal. (JoMaque)