Pila ka police officers nga ginpahayag nag-upod upod sa bata ni Melvin Odicta Sr. nga si Melvin Jr. nga nag-test fire sa isa ka shooting range sa syudad, pa-imbestigaran ni PRO 6 Director CSupt Bernardo Diaz

Pila ka police officers nga ginpahayag nag-upod upod sa bata ni Melvin Odicta Sr. nga si Melvin Jr. nga nag-test fire sa isa ka shooting range sa syudad, pa-imbestigaran ni PRO 6 Director CSupt Bernardo Diaz
DIAZ
Photo by Aksyon Niel Gumban

Iloilo City — Pa-imbestigaran ni Police Regional Office (PRO 6) Director Chief Supt. Bernardo Diaz ang ginpahayag pag-upod-upod sang pila ka police officers sa bata ni Melvin Odicta Sr nga gin-identify sang PDEA 6 nga top drug personality sa Iloilo.

Sabat ini ni Diaz matapos namitlangan sa investigation in aid of legislation sang Senate Committee on Public Order and Dangerous Drugs nga ginapamunuan ni Senator Grace Poe ang pangalan sang pila ka police personalities nga naka-upod ni Melvin Odicta Jr nga nagtest fire sang iya bag-o bakal nga pusil sa shooting range sa syudad.

Ginalakipan ini nanday Lino Duarte, VC Amatril, Romeo Hualde, Edmund Defensor, Joey Rodellado, kag Ric Poblador.

Yara man sa listahan si Jeffrey Celiz nga executive assistant ni Mayor Jed Patrick Mabilog.

Ginpresentar naman ni Councilor Plaridel Nava, isa sa mga gin-imbitar sa hearing kahapon, ang ginpahayag blue book halin sa iya kliyente nga si SPO2 Rex Delos Reyes nga ginpatay sa Negros Occidental.

Nakasulat suno kay Nava sa blue book ang pangalan sang mga pulis nga protektor sang drug syndicates kag ginhatag sini ang kopya sa PNP-Internal Affairs Service. (JoMaque)

Archives, Gallery, News

Related posts

Leave a Comment