Police Community Relations sang PRO 6, magahimo sang survey sa komunidad para sa pagpili sang mga pulis nga mangin miembro sang Drug Enforcement Unit

Iloilo City — Luyag sang Police Regional Office 6 nga magpasakop ang komunidad sa pagpili sang mga police nga mangin miembro sang Drug Enforcement Unit ukon DEU.  ini ang rason suno kay PRO 6 spokesman Police Supt. Gilbert Gorero kun ngaa may ginapreparar nga survey form ang Police Community Relations nga ipanagtag sa kabanwahanan. Magabulig ang mga pumuluyo sa selection process paagi sa pagsabat sa survey form sa diin nasulat ang pangalan sang mga police nga luyag nila ukon indi nila luyag nga mangin miembro sang DEU. Ginpahayag ni Gorero nga importante ang background checking sa mga mangin miembro sang DEU agud masiguro ang integridad sang mga police nga magabug-os sang drug unit. ang tikang ginhimo sang PRO 6 matapos ginbalik ni Presidente Rodrigo Duterte sa police ang war on drugs. (JoMaque)