Police Investigator sa Pototan, patay matapos gintiro sang riding-in-tandem!
Pototan, Iloilo — Patay ang police investigator sang Janiuay Police Station matapos gintiro sang naka-motorsiklo nga mga suspek sa naga Pototan pasado alas-7 kaina sang aga.
Nagpasalig si Iloilo Police Provincial Office (IPPO) Director Cornelio Salinas nga hatagan sang hustisya ang pagpatay kay SPO1 Nestor Peregrino, 40 anyos nga taga-naga Pototan.
Naigo ini sa ulo kag dughan resulta sang iya pagkapatay.
Ginakilala ni Salinas si Peregrino nga maayo nga pulis kag amay.
Ginpahayag nga gindul-ong pa sang pulis ang iya bata sa eskwelahan sang natabu ang krimen. (JoMaque)