Police Regional Office 6, preparado na sa pagmentinar sang kalinong kag katawhay sa Western Visayas para sa semana santa

Police Regional Office 6, preparado na sa pagmentinar sang kalinong kag katawhay sa Western Visayas para sa semana santa
GILBERT GORERO
PRO 6 spokesman Supt. Gilbert Gorero

Iloilo City — Preparado na ang Police Regional Office 6 sa pagmentinar sang kalinong kag katawhay sa Western Visayas para sa semana santa.

Suno kay PRO 6 spokesman Supt. Gilbert Gorero, maga-apply sang major event security framework si PRO 6 Director Bernardo Diaz sa pagpatuman sang seguridad sa pila ka mga lugar sa rehiyon.

Partikular nga pahamtangan sang mga pulis ang mga lugar nga may aktibidad sa tion sang semana pareho sang Pagtatal sa Guimaras nga ginadugukan sang mga local kag national nga turista.

Istriktuhon suno kay Gorero ang seguridad sa entrance kag exit sa mga identified areas pareho sang parola wharf sa diin may iga-deploy nga mga personnel sang Philippine Coast Guard kag maga-augment naman ang mga pulis halin sa Iloilo City Police Office pag-abot sa Guimaras.

Magluwas sa coastguard, nag-coordinate man ang PRO 6 sa Land Transportation Office, LTFRB, DPWH kag MARINA para sa luwas nga pagbiyahe para sa semana santa. (JoMaque)

Archives, Gallery, News

Related posts

Leave a Comment