PRO-6: Full Alert sa Region 6

Ginpaidalum sa full alert status ang kapulisan sa bilog nga Rehiyon 6 kasunod sang explosion sa Davao City nga nagbilin sang madamo nga patay kag mga pilason.

Ini kasunod man sang deklarasyon ni Presidente Rodrigo Duterte sang state of lawlessness sa pungsod. Suno kay PRO-6 Spokesman PSUPT Gilbert Gorero, labi pa nila nga pabakuron ang mga security measures sa mga lugar nga madamo sang tawo pareho sang tourist destinations, mga malls, plasa, eskwelahan, merkado, kag transport terminals.

Labi man nila nga pasangkaron ang anti-criminality operations, pabaskugon ang presensiya sang mga pulis kag magapahamtang sang mga checkpoints sa mga strategic nga lugar.

Ang full alert status suno kay Gorero nagsugod las-7 kaina sang aga. (AGB)

Archives, News, SlideshowGallery

Related posts

Leave a Comment