Proposal nga pasuksukon sang reflectorized vest ang mga nagamotorsiklo sa syudad, ikonsulta pa sa mga stakeholders- PSTMO head

Iloilo City–Konsultahon sang Public Safety and Transportation Management Office (PSTMO) ang mga motorista, kapulisan kag konsehal sang siyudad sa ginaduso nga pasuksukon sang numbered reflectorized vest ang mga naga-motorsiklo sa syudad.

Suno kay PSTMO head Jeck Conlu, makabulig ang tikang sa mga police bangud mahapos makilala ang mga riding-in-tandem suspects sa krimen kag malikawan man ang aksidente sa dalanon.

Base sa plano, maparehistro ang tag-iya sang motorsiklo sa syudad antes hatagan sang numbered reflectorized vest. 

Ginapaabot na ni Conlu nga makabaton sang negatibo nga feedback ang iya plano.

Gin-athag niya nga maagi sa proseso ang plano kag madihon sila sang desisyon nga pabor sa kadam-an.

Sa masunod nga semana, makigsapol si Conlu kay Councilor Plaridel Nava, chairman sang Committee on Transportation para i-presentar ang iya plano. (AGB)