Pulis nga nanghurikap sa babaye nga priso sa Mandurriao Police Station, ginpasakaan sang kaso nga grave misconduct

Iloilo City — Ginpasaka na sang NAPOLCOM 6 ang kaso nga grave misconduct batuk kay PO3 Miguel Jancilan. Suno kay NAPOLCOM 6 spokesperson Inspector Rommel Sta Ana, nag-ugat ang kaso sa pagpanghurikap ni Jancilan sa babaye nga priso sa Mandurriao Police Station sang damlag lang. Base sa findings sang pre-charge investigator sang NAPOLCOM 6, may nakit-an nga probable cause sa reklamo sang babaye nga priso. Yara na sa office ni NAPOLCOM 6 Director Marte S. Palomar ang kaso kag kon ma-aprobahan, suguran ang summary hearing proceeding. Hatagan man sang kahigayunan nga magsabat si Jancilan sa sulod sang 7 ka adlaw. Suno kay Sta Ana, ang maximum penalty kon mapamatud-an nga nakasala sa kaso nga grave misconduct amo ang dismissal from the service. (JoMaque)