Pusil nga Narecover sa Balay ni JingJing Espinosa nga may Expired nga Lisenya, Natukiban nga Kapareho sa Serial Number sang Pusil nga Ginturn over sini kay PCI Rio Maymay sang PP1

Iloilo City — I-validate ni PSupt. Ramir Gallardo, chief sang Regional Anti-illegal Drug Special Operations Task Group (RAIDSOG), ang status sang pusil nga ginturn-over ni barangay kagawad Jesus “JingJing Espinosa Jr kay PCI Rio Maymay nga anay hepe sang Police Station 1.

Pahayag ini ni gallardo matapos narecover sa balay ni Espinosa sa ila pag-search kahapon ang 45-caliber pistol nga may expired nga lisensya kag pareho ang serial number sa ginturn-over nga pusil sang barangay kagawad.

Maga-coordinate si Gallardo sa Firearms, Explosives, Security Agency Group Services (FESAGS) agud maathagan kon ngaa pareho ang serial number sang mga pusil.

Magluwas sa 45 nga pusil, narecover man kahapon ang pito ka sachets sang suspected shabu, paper bills kag mga sinsilyo, kag 9mm pistol ni Atty. Jelly Espinosa nga utod ni Kagawad JingJing Espinosa.

Wala sang napresentar nga permit para sa pusil ni Atty. Espinosa pero nakita ang transaction slip para sa License To Own and Possess Firearm ( LTOPF). (JoMaque)