Regional Drug Enforcement Unit, nagatutok sa mga state universities, colleges kag high schools sa kampanya kontra illegal nga druga

Iloilo City — Ginatutukan sang mga miembro sang Regional Drug Enforcement Unit (RDEU) ang mga state universities and colleges (SUCs) kag mga high schools bangud amat-amat nga ginasulod sang mga drug personalities. Ginkumpirmar ni RDEU team leader Senior Inspector Kennith Bermejo nga nagapa-amulya ang mga durugista sa mga eskuwelahan sa kolehiyo kag unibersidad ilabe na kun nagahilapit ang examination. Gina-engganyo sang mga durugista ang mga estudyante nga mangin runner sa pagbaligya sang illegal nga druga agud may ibayad sa tuition. Samtang ang diskarte naman sang mga durugista sa high school ang pagpangaluyag sa kababaihan kag pag-barkada sa mga kalalakihan para ma-engganyo nga magbaligya sang illegal nga druga. (JoMaque)