Regional Governor sang PCCI-Western Visayas, gin-ako nga nabalewala sa ginahiwat nga APEC SME Working Group Meeting

Regional Governor sang PCCI-Western Visayas, gin-ako nga nabalewala sa ginahiwat nga APEC SME Working Group Meeting
Joeboy Agriam
Mr. Joeboy Agriam, Regional Governor for Western Visayas-PCCI (FB Account)

Iloilo City — Na-single out ang pamatyagan ni Mr. Joeboy Agriam, Regional Governor for Western Visayas sang Philippine Chamber of Commerce and Industry (PCCI), matapos wala nakabaton sang imbitasyon sa Micro, Small and Medium Enterprise meeting nga ginpangunahan sang DTI sa sidelines sang APEC SME Working Group Meeting.

Gin-athag ni Agriam nga gin-imbitar kag nag-abot sa Iloilo ang ila chairman sa MSME nga si Apolinario Aure kag imbitado man ang presidente sa PCCI-Iloilo nga si Donna Rose Ratilla.

Madamo nga miembro sang PCCI suno kay Agriam ang natingala kon ngaa wala ini nakatambung sa meeting kag iya ginsabat nga wala man siya napadal-an sang imbitasyon.

Ginpahayag ni Agriam nga indi man sini luyag nga itudlo kay Mayor Jed Patrick Mabilog ang indi pag-imbitar sa iya.

Apang natalupangdan lang sini nga wala na siya gina-imbitar sa mga events sang syudad sugod sang ginkwestyun sadtu ang ginpakigbato sang alkalde nga pagpataas sang Real Property Tax (RPT). (JoMaque)

Archives, Gallery, News

Related posts

Leave a Comment