Share sang probinsya sa STL operations, ginahingyo nga pasakaan!

Iloilo–Kumpiyansa si Gov. Arthur Defensor nga ma-aprubahan sang Philippine Charity Sweepstakes Office (PCSO) nga pasakaan ang share sang probinsya sa operasyon sang Small Town Lottery (STL).

Bisan indi gid komporme, mas maayo na lang suno sa gobernador ang dyutay nga saka kon ikumparar sa bag-o nga pagsulundan nga ginpaguwa sang PCSO para sa sharing sang kita sa STL operations.

Suno kay Defensor, seryoso nga ginakonsiderar sang PCSO ang ila ginahingyo nga himuon 1% ang makuha nga share sang probinsya sa kabug-usan nga kita sang STL halin sa 0.75%. (AGB)