Shooting incident, nagluntad sa music bar sa Smallville Complex Mandurriao, isa patay!
Iloilo City — Napuhag ang mga customer sa music bar sa Smallville Complex, Mandurriao kaina sang kaagahon sang nabatian ang sunod-sunod nga lupok sang pusil.
Suno sa guwardya sang building, lima ka lupok ang ila nabatian. Gindala sa Medicus Medical Hospital ang isa sa mga biktima nga si Tommy Robiso, 34-anyos sang Ledesco Village, La Paz nga napatay pasado alas-2 kaina sang kaagahon.
Out patient naman ang isa pa ka biktima nga si James Cua, 39-anyos sang Ungka Dos Pavia nga may igo sa wala nga tiil.
Suno kay Inspector Shella Mae Sangrines sang Mandurriao PNP, padayon ang pursuit operation sa suspetsado. (JoMaque)