Suspek nga nagtiro patay kay SPO1 Sherwin Arondain, nag-ako nga na-impito matapos ginbungguan sang motorsiklo sang pulis

Dumangas, Iloilo — (UPDATE) Na-impito ang panday nga si Rolly Lete, 32 anyos  sang Barangay Tubungan, Barotac Nuevo kabangdanan  nga iya gintiro patay si SPO1 Sherwin Arondain sa Sityo Ilaya, Brgy.  PD Monfort North, Dumangas sang Mayo 20 sang gab-i. Suno kay Lete, nabunggu-an siya sang motorsiklo nga ginamaneho ni Arondain sa wala nga hawak samtang nagatabok sa dalan dala ang pitsel agod magkuha sang tubig. Nagpalangdulom ang panulok ni Lete sang nagpana-og si Arondain sa motosiklo, ginturasok  kag ginhangkat siya sang inaway. Wala na makapaminsar si Lete kag iya gintiro sang 38-caliber revolver sa ulo kag kamot si Arondain. Gin-ako ni Lete nga naka-inom siya sang whisky sang natabo ang pagtiro sa police. Naka-agi priso si Lete sa Iloilo District Jail sa Nanga, Pototan sa kaso nga murder sang ginpatay ang lalaki sa baylihan sa Bolilao, Dumangas apang nakaguwa sang Hunyo 2013 sang gin-areglo ang pamilya sang biktima. (JoMaque)