Sports car, Na-aksidente sa Jaro; Pasahero nga Babaye, Patay!

Iloilo City — Patay ang physical therapist nga estudyante nga naipit sa ginasakyan nga sports car sa Dungon-B, Jaro kagab-i.

Wala gid nakaluwas si Chester Lane Go sang Arevalo matapos nga nagbunggo ang salakyan sa center island antes nagligid, nagsaylo sa pihak nga lane kag nagbunggo sa isuzu sportivo.

Padayon naman nga ginabulong sa ospital ang driver nga si John Trevor Galindez nga may pilas sa kamot kag ulo.

Suno kay John Castor nga driver sang isuzu sportivo, nagsugat-anay sila sang sports car sang natabu ang aksidente.

Nagbunggo suno sa iya ang sports car sa street light antes nagligid-ligid kag nagdiretso sa ila lane. (JoMaque)

Archives, Gallery, News, SlideshowGallery

Related posts

Leave a Comment