Sta. Barbara kag Estancia, Nagdeklarar sang State of Calamity Bangud sa Dengue!

Iloilo–Nagdeklarar sang state of calamity ang Sta. Barbara kag Estancia bangud sa madamo nga kaso sang dengue.

Ginkumpirmar ni Vice Mayor Mario Golingan sang Estancia nga na-aprubahan sang Sangguniang Bayan ang resolution nga nagadeklarar sang state of calamity sa banwa bangud sa mataas nga numero sang dengue. Una na nga nagdeklarar sang state of calamity ang Sta. Barbara.

Gintugyan ni Provincial Health Offier Dr. Patricia Grace Trabado sa Sangguniang Bayan sang kada local government unit ang pagdeklarar sang state of calamity bangud sa mataas nga kaso sang dengue.

Sa record sang PHO halin Enero 1 tubtub Setyembre 10 subong nga tuig, naglab-ot na sa 6, 808 ang kaso sang dengue kag 15 ang patay. (AGB)