Suhestyun nga i-implementar ang liquor ban sa Smallville Complex pag-abot sang alas-10 sa gab-i, ginatugyan sang ICPO sa City Council

Iloilo City–Ginatugyan ni Iloilo City Police Office Ddirector PSSUPT Henry Biñas sa City Council ang pagdesisyon sa proposal ni Chief Inspector Juvy Navales, hepe sang Mandurriao Police Station, nga i-implementar ang liquor ban sa Smallville Complex pag-abot sa alas-10 sa gab-i.

Para kay Biñas, daku ang mabulig sang liquor ban sa pagnubo sang kaso sang physical injuries pati na ang bun-anay kag tiruhay. Nagapati si Biñas nga nagalain ang pinsar sang isa ka tawo kun naka-inom bisan anu pa siya kabuot. Gintumod sini ang mga insidente sa Smallville Complex sa diin kalabanan sa mga biktima ukon mga suspects sa insidente ang hubog.

Puwede man suno kay Biñas nga ma-extend ang oras sang liquor ban apang indi lang tubtub sa alas-4 ukon alas-5 sa kaagahon.

Ginsuhestyun ni PCI Navales ang liquor ban kasunod sang pagtiro patay sa medical technologist sa Smallville Complex sang Disyembre 3 sang kaagahon. (AGB)

 

 

Archives, News, SlideshowGallery

Related posts

Leave a Comment